Vil du vera med og forma musikken i kyrkjene på Tysnes? Me søkjer ein engasjert organist/kyrkjemusikar/pianist i inntil 60 % stilling.
Tysnes kommune ligg sentralt i Sunnhordland, og har om lag 3000 innbyggjarar. Fellesrådsområdet femner om
Tysnes, Onarheim , Uggdal og Reksteren sokn, med 4 kyrkjer. Fellesrådet er arbeidsgjevar for 5 tilsette, i tillegg er det
1 prest. Administrasjonsmålet er nynorsk.
INNTIL 60 % STILLING SOM ORGANIST / KYRKJEMUSIKAR / PIANIST I TYSNES
Oppgåver
- Planlegging og gjennomføring av gudstenester og kyrkjelege handlingar – og saman med stab og ulønte medarbeidarar bidra til å utvikla gudstenesta og styrkja musikken og songen.
- Legga til rette for at kor, orkester, forsongargrupper og andre kulturelle bidragsytarar jamleg tek del i gudstenester og kyrkjelege aktivitetar.
- Samarbeid med sokneråd og stab om arrangement, trusopplæring og temakveldar.
- Stillingsbeskriving vert fastsett i samarbeid med den som vert tilsett.
Ved tilsetjinga vert det mellom anna lagt vekt på:
- Relevant utdanning / erfaring
- Erfaring frå kyrkjeleg arbeid som tilsett eller som ulønte medarbeidar
- At søkjar er allsidig og trygg i ulike musikalske uttrykk
- At søkjar er personleg eigna samt har evne til samarbeid og fleksibilitet
Løn etter KA sin tariff
Pensjonsordning i KLP
Søkjar må vera medlem av Den norske kyrkja
Den som vert tilsett må leggja fram tilfredsstillande politiattest, jfr. Kyrkjelova §29
Fleire opplysningar kan ein få ved å venda seg til dagleg leiar / kyrkjeverje
Marianne Storetvedt, telefon 48123170, eller via e-post : MS563@kyrkja.no
Søknad med CV samt kopiar av vitnemål, attestar og referansar vert å senda til
Tysnes kyrkjekontor
Uggdalsvegen 313
5685 Uggdal
Søknadsfrist: 29.06.2026
Foto: Den norske kirke / Kirkerådet